Samuel Lalmuankima

Tienami ziektu, iengleia dâr a'n ri naw? Ieng leia sik sik rieu inhram am a n'a? Iengleia lungsiet kul rausan am a n'a? Iengleia hlimna thâmral am a ni a? Lungsiet kulah simkhawlei inhnîngin, Hripui phaivuo a hrâng maw? Ṭi le inthin po an zâm, thaidâwphai chu, Muongna ramah an tlu pheng phung. Ngûina hrîin kawtthlêr a fang, Kaisar kut chu inzâ a um si maw! Khawvêl tar nenetui neilo hi, A nih hringmi tinrenghai thlâkhla. Hlun ding hrim um lo rama hin, In nghet inngîr an tum maw? Tienami ziektu, inngîr thei an ti'm? Thei naw ni hai, thei ngai naw ni hai.  Tienami ziektu, ka sakhming hi, Mi dawizephai lai tiemsa ning a ti? Ni naw nih, tiemsa ni naw ni a, Tienami ziektu'n zepsa naw nih. Mimtukthla 21, 2020 Kayangulam HO

Krismas hi Mimtukthlaa ni satlie pakhat el a ni nawh. Krismas hi ringtuhai ta dinga ni ropuitak a nih. Krismas hi lawmna ni a nih. Krismas hi thu tisaa a hung inchang ni a nih. Krismas hi khawvêl Sandamtu hung piengni a nih. Krismas hi thilpêk hlutak pêka ei um ni a nih. Krismas hi naupa pêka ei um ni a nih. Krismas hi saltâng suokna dâr in rîk ni a nih. Krismas hi hrillâwkna puitlingna a nih. Krismas hi vân angelhai hlamawi rem ni a nih. Krismas hi inremna thu inlêng tanna a nih. Krismas hi Pathien hmangaina suklanga a umna a nih. Krismas hi Kristaa beiseina hring intanna a nih. Krismas hi Pathien ringum ropuizie inlangna a nih.  Krismas hi mi suol, thiemnaw chang hnunghai, piengtharna pe dinga Krista hung insiengna chu a nih.  Kayangulam HO 04 December, 2020