Samuel Lalmuankima

Kristien Hlabu (Tonic Solfa) No 354 hi chu a chîn a lienin ei inhmelhrietpui hle ring a um. Hi hla mawitak le ṭha em em hi Horatio Spafford in a phuok a ni a, a hlawtling em leia a phuok ni lovin, a nei po po a chân a, chu huna a phuok dawk a nih. A nau pasal a chân phawta. Chu zoah a dawr chu kangmei suokin a kang ral a. Chu hnungah, a naunuhmei palihai le a nuhmei chu lawnga an chuong lai an lawngin tuoksiet a tuoka. A naunuhmeihai po po nikhat thilthuin a chân vawng a, a nuhmei chau chu a damsuok a nih. Chuong ang hun khirtak a pal laiin, "Ka thlarau ta dingin a ṭha ie" ala zuk ti thei a ni chuh! Thuthlung Hluia Job chanchin khawm ei en chun a nei po po a chân titâk lovah, ama ngei khawm nasataka suk natin a um a nih. A nuhmei ngei khawma Pathien hril sie a thi el dingin an fui hiel a ni kha. Amiruokchu Job chun a nuhmei a khak lem hlau el. Ei dit ngawi ngawi ei chân hin chu "A ṭha ie!" ti chu an tak a nih. Ei ruolhai chânnaa chu a ti a lo inhawi deu rawi mawh...

Ka hringnun lamhraw khuovang ri khamsa, Suilung phang naw sien khuo relah; Sunhâng za tam nerthleng ngai hi, Thlungzawm ni la um a tih. Sunhâng tamin tawnhriet a pêk, Tiem thiem dan inchuk ṭul nawkin; Inchuk tawpni um sien an rieng di'n, Nun khawm hadam deu a tih. Tangkaruo inluonin sûm a pai angin, Sunhang tinin indona a sawm; Pasal taka hêl loa râl rêlin, Hma sawn ka tih hnena chang hmakhat. Iengdang nekin sungrila mani indona hi, Indona lientak le nunrawngtak a nih. Chu indona hnea hlado sam chu, Phaivuo hrang zoa khaw eng ang a nih. Tuolbuol 18,2022 Kylm HO

Chung sima ni a hmangaitak di'n Zantin a thi angin Ka hmangaitak tawnah vuiliem ka'n tah! Chung sawrthla'n a hmangaitu var El khala a varsuok angin Nangmaah ka hmangaina eng suok sien. Kut thienghlim chu khuopdein Hmangaitu khek rawl tieng na sit loin A liem tah hawilopar thliekin. Awi ta raw seh, ei lung an di A hi hmangaina dik a ni chun Vângte khuoah chawng chên ta raw sen. Ka beiseina khamhrui ang sei sien Ruo lai sumrisang inzâm iengin Kei di'n khuo la var a tih. Hring khawvelin pek ding a nei nawh Lalpa ṭhatna nghak ni naw lang Meichawk thlir el ning ka tih. Tuolbuol 15, 2022 Kylm HO

She put a spell on me, I didn't know So all my love I gave Her crumbling world, she showed And pity her much, my love I gave I was but a mere pawn Used by Eve's daughter In that ultimate darkness, a light dawned And I realized I was to be slaughtered A leopard never changes it's spots And a pawn could never be King I said, "I'll be calling the shots" But Samson and Sam has the same ring. Oooh! Delilah what hast thou done? Thy knight in shining armor, now gone? Oooh! Delilah thy wretched heart Is but Gehenna's subtle art. The Bible was right all along The heart indeed is deceitful I pity myself 'cause this is my song But my God will provide The Faithful. 10 Tuolbuol, 2022 Royal Street 007