Samuel Lalmuankima

​ HRINGNUN KHALDAN KAWNGAH -William Hazlitt School i lut ding an taa, khawvel i tawnhriet ṭannaa ngai thei khawm ni’ng a tih. Ka hriselna ṭhatnaw leiin, I kuoma khawm ka um sâwt thei da’l thei a, i hringnun i khal dân kawngah, thurawn tlawmte (ka thei tâwp) maksan pek che ka nuom a, i lo hmang ṭangkai thei rawi mawh, imi hrietzingna ding ni malamin. Thil dang ka hril thei naw khawma, ka suksuolna haia inthawka i fimkhur theina ding bekin.  I umna hmun ding tieng pana ei fe laiin, “anni chu mi hnang, inrempui thei lo an nih” tiin i hril nawn rawp a. Nanga thiemnaw lem a nih. Thilṭha beisei rawp hi dân ṭha a nih a. Dittak, thil hi a ṭha tieng beisei rawp raw, a naw zawnga an her khawmin, chuong huna khawm chun, nang le nang insuk lunghnuol nêk hmanin, i thleng thei a ni ngawt naw chun, i thei chinah dawthei taka tuormuolsuo tum raw.  “Hi school hi inhawi ti hliek naw’ng ka tih” tiin i hril a. Hi hi thil indiklo a nih. I hril umzie chu in maksan i nuom naw lem a nih. A school in...

​ Hun hi rukru ang a lo nih. Ei hunhai inru zovin, a sakhmingah hringnun ei inbuk ve ritawl a.   Thikna lei ni thei a tim? Rimtui rim a châm sâwt anga, liemta hnunghai an cham zing hlak leiin, a mi thik a ni rawi mawh.  Siekhawm liemtah le hmatieng inkarah chatuon ka tawng a. Ka chatuon ruok chun tawp chin chu a nei, amiruokchu a huntawk.  Hlun lo ni si hin ei châmna dingin iengkim ei peka. A chu hringnun mawina chu a ni el am? Thlapa khawm var zing bik lo a. Tuipui khawma vapang a chel det tlat thei bik amanih? A hunga, a kir nawk hlak. Arasi hai khawma mani in kâng ralin an var suok lem annawm. Châm zing ding iengkhawm um lo.  Chuong nek chun, mipui laia inhmu nal thei, thlaphang changa ka kut hung mai hlaktu kut lum hlat hlat dam, kei di’n thilmak derdep tak ni si hi tawng rawp ka nuom lem.  Tukvera nisa var a hung lut angin, damte’n ka hringnunah a hung luta. Tuhin chu tawite inhlat khawm khawsawtna’n a mi zem.  A chang hin chu lam inṭhehai ka ngaituo h...

A kila ṭhungin, puon ang a hlui, Lua kelsam ṭoin, a kuthai vutpilin a tuom. Ngur tam lien le tluk hmutu’n, To ṭawkin, dipui pâr ang a nghak.  Khawvelin puon ang hnawlin, Ro ang khawl di’n biethu an hlan. A pantuhai hnar lovin, Tien thuhlui chu ala hril zing.   A kâwr mawi le tle sing seng lo, Tangka le rangkachak an mawi lem ie. Pâr hlui anga hnawlin, A tien thuhlui ala thar zing.  Phêk hmasa chun a tawp a thlungzawm si, Thlalera vadungin puonzar sun thlengin; A hlui le a thar, patzai senduka khit, Hringna nei lo a hring! A anka nem ngaitu chu mi hamṭha! Siel ang zuong tho lovin ngai rawh. A kâwr in ek phêna chun var a um si, Zanthima siar angin la var a tih. Tangka bu ang pe naw ni che, Thudik le chatuon thu a nei.  Phunnawi lovin a râwl ngai la, A thilpek hlu i chang rawi mawh.  Eventide Thlaram 02, 2026 ​

​ Zalenna hi ieng ni tak am? Mihring hi zalen maw lo nih.  Tuizênga nga angin, A zalen, zalen si lovin. Zalenna suolsuok di’n tiin, A dit um tak tak am? Tuipui ang lungril lien khawmin, Zalenna man fu thei chuong am? Hi chengna invirvela hin, Dân anga nun ngainaah; Ar lu bo ienga tlan rak rak, La zalna ding hmun panin. Dâwn thar, ṭhangthar thoin, Kekawk thar, lampui hluiah; Suonkuol anga invir velin, Hmasawn lo, hnungsawn lo. A kuol a lien hi invirna, A sakhming hmasawnna tiin, Zalenna tia khekin, Tuizêng la pangngai zing siin. Zalenna hi bang nei lo ni rawi mawh, A bang baw ngamna hi ni rawi am? Zalenna chu. Eventide Thlazing 21, 2016