FÛR
Mitin hringnun hi fûr ang ana Tuam in sa thei bik um an ta? Eini di'n thli le ruo ruot a ni si a Tu in am pumpel bik ata? Mitin hringnun hi fûr ang ana Ni hung sain, hringnun mawi hi Sum dumin bawmin, ruo a sur nawk hlak Hlimlaina a tawi ngei maw! Zingkar chun hramthiem zarva'n Kawla ni suok lawm sienkhawm Hmelhriet lo ni thar chun Ieng am hung herdawk ata? Aw nang ka thla, zam naw Thlipui le ruopui hung inthuoin Mi sawitu, tuifawn hrat maw Pa hmangaina a'nthawk mi ṭhe naw ni Mitin hringnun hi fur ang ana Suilung phang chuong naw ka thla Sumhai an insuk ruok zo pha chun Hlun lo fûr hi la bo ve ngei a tih. 23 Thlaphur, 2022 Eventide