HSM

Nisa inherin, zânkhuo a sawt a,

Sik sik rieu inhrâm chêl chûlin mi chîmin,

Lekhabu’n a phêk tâwpna a bâk ang hin,

Kima ni si hin ka lo kim si nawh. 

Lawngpuha’n siar hlîm ang hnawt iengin,

Kumpui linglet thlangtla ding zuiin;

Suilung phâng lovin, 

Beiseina khamhrui ang suk seiin,

Hieng var tle sing seng hai hin,

Ka inah mi la ṭhuoilut an tih. 

Karlam hlain, kâwlva lêngsam ramah,

Umkhawsawta rauthla’n i lengna vankhuo fangin;

A hin kan hnem, tlumte thlira thlirin,

Zîng ni suok sawmhni-

Thlang kawlrawna liem hunah,

Sakhmel dar ang tawng ni hersuok a tih.

Sûl ang mi nghak la hellai mi u,

Ka hmangai, rûn ka inlumpui ding,

Thuok tin le beiseina tin, 

Hun le ni liem pei hi,

Mi kei hnai tu lo niin,

Ei zângkhuo la bungbu ve na ding.

Tpz

Thlaphal 21, 2025