HMANGAI

I hmel hmu kâr ka nghâkhla,

Ka hmangai, ka lunglai hluosiptu.

Vârṭien angin hung dâk suok la, 

Nang chu nisa anga inthieng, 

Zîng-sawr ar'si neka mawi lem i ni sih a. 

I kuoma um zing ka nuom, 

Nang ngaiin nitin ka'n rûm.

I kuoma chun phurrik a boa, 

Hun khawm a chât a,

Beidawngna le lungngaina hai ṭinin,

Hlim le lawmtakin i mi siem hlak si a.

I anka a'n nêmin a mawi a, 

I baua thutin suok chu

Khuoizu nêkin a thlum lem ie.

Ka ngaituonaa mawitak chu nang i nih a,

Zîng ka tho pui le ka zâl pui chu nangma.

Ei intawng hun chu a va hlimum awm de!

Tu dang reng ngai naw'ng ka ta

Hmun dangah ka mit inlên bawk naw ning.

Nang chau chu en zing ka che a,

I ṭângnêma inbeiin,

Mi kuo ngawi ngawi i tih.

I ta ka ni a, ka ta i nih.

Thlaram 19, 2020

Kayangulam HO