THILTHA THAW

Mihriem ropuina hi ieng am a ni a?

Kar loa bo el hlak hi.

Phûlpâr ang chau a ni a,

Hlimthla angin a bo nawk hlak si.

A hung inno hlut a,

Sawt riel loin a bo nawk a,

Tienami angin a tâwp nâwk hlak.

Tawnmang anga tâwpin,

Mihriem ngaituona'n a mak;

Ei thuneina thang der si lovin.

Pielleiin a angsunga pawmin,

Hmawnna hmuin nge'n an fâk,

In sawng ding ni chuong si lovin.

Mi tha le mi sie, a ngo le a hang,

Thina chunga thunei um chuong lo hi,

Chîk taka ngaituo'n an lang;

Ei rênga ei tâwpna chu thina a ni si.

Ei hun tlung hun ding hre loin,

Ropuina ei hnawt lawp lawp.

Thieng le thiengnaw pawisa loin,

Duamna in a mi hne rawp,

Pielrala ei sawmlut thei um lo,

Ei sakruong mawina ngei khawm;

Awngrawpa hmawn hmang ding.

Hmaikawr ei bun, tlo chuong lo,

Thiltha thawin a mi suk lawm

A chu ei tum tlat ding.

Thina kut deiin a mi man phât,

Ei thilthaw'n hrietzing ni'ng ei tih.

Pawimaw loa inlang chîte hai hin;

Tangka sum tamtak a zât.

"Hi taka hin mi tha tak a zâl" ti'n

Thangtharhai lai hril ning a tih,

Ei hrietzingna sukhlut na di'n. 

Kayangulam HO

09 Tuolbuol, 2021