SIELMAT (I MISS YOU TOO)

Sakhmel dar ang tawn di'n khuonu leng ka ngen,

Ni le thla le hun, kara inrawlin an mi dang;

Muol le tlang le tuiluong, mêl za tam leh,

Taksa'n inhlatin, lunglai ruok chu inhnai siin.

Ei dit dana inher ngai reng reng lo hringnun hi,

Ka nghawk ka tih, thlakhla em em si hin;

I bula um inhawk in, duthu tinreng ka sâm,

Lalruong iengin dawibûr ka nei si nawh.

Tuklo ram sin ṭuonna khuol ram hi,

Hnungsawn thei di'n kan mawi si nawh;

Nang le kei le ei thlahai di'n ngaituoin,

Mi le nêl lo ramah sekibusuok ka zawng.

Kângvâr ang el hi ka hringnun ṭawl tak hi,

Fûr ruotui tlâk nghakin, ekche ṭhungin,

Keimaa chi inphûmhai lairam ang thona di'n;

Ka ruotui malsawmna hmarsak kila thup a ni si.

Profundus

Eventide

27 Thaldo, 2022